لکڑی پر جانوروں کے 3 ڈی مجسمے بنانے والا ماہر فنکار

لکڑی پر جانوروں کے 3 ڈی مجسمے بنانے والا ماہر فنکار

جرمنی: دنیا میں ایسے کئی فنکار موجود ہیں جو لکڑی پر اپنے فن کے شاہکار دکھاتے ہیں ان ہی ماہر فنکاروں میں ایک جرمن شہری جرگن لنگ ربیٹز بھی شامل ہے جو لکڑی پر جانوروں کے شاندار 3 ڈی مجسمے بناتا ہے۔ جرگن نے 20 سال کی عمر سے پہلے فن مصوری سیکھ لیا تھا جس کے بعد وہ لکڑی کو تراش کر اپنی فنکاری آزماتے تھے۔
جرگن نے 1996 میں چینسو (کٹرمشین) کی مدد سے لکڑی کو تراش کر جانوروں کے 3 ڈی مجسمے بنانا شروع کیے جس میں انہوں نے مہارت حاصل کرلی ہے۔ یہ مجسمے بنانے کے بعد ان کو رنگوں سے بھی سجاتے ہیں ان کا بنایا گیا شیر، زیبرا، گھوڑا اور خرگوش کا مجسمہ انتہائی مقبول ہے۔ جرگن کو لکڑی کے شاندار مجسمے بنانے پر ایوارڈ سے بھی نوازا جاچکا ہے۔ جرگن کے بنائے چند شاندار 3 ڈی مجسمے ذیل میں دیکھے جا سکتے ہیں۔

اس خبر پر اپنی رائے کا اظہار کریں

اپنا تبصرہ بھیجیں